سبرنج رول الجمبرى بطريقه ولا اروع
المكونات
نصف كيلو جمبرى وسط او كبير متقشر ومنظف وهنسيب الديل فقط
1 لفه سبرنج رول حجم متوسط
نصف كوب عصير ليمون
1 معلقه كبيره مسطرده
2 معلقه شبت مفروم ناعم جدا
ملح فلفل اسود
1 معلقه كمون + 1 معلقه كزبره ناشفه
4 فص ثوم مفروم
2 صفار بيض وده عشان نقفل بيه الاسبرنج رول
زيت غزير وساخن للقلى
الطريقه
بعد تجهيز الجمبرى هنجيب عصير الليمون والشبت المفروم والثوم والملح والكمون والفلفل الاسود والمسطرده ونقلبهم كويس اوى مع بعض بعد كده هنضيفهم على الجمبرى ونسيبه نصف ساعه فى التتبيله دى عشان يتشرب منها كويس بعد كده هنجيب ورق الاسبرنج ونفرده سمبوكسه ونحط فى كل ورقه واحده جمبرى كامله بعد منصفيها من التتبيله طبعا ونلف ورق الاسبرنج عادى جدا كالمعتاد بحيث ان يكون ديل الجمبرى خارج من ورق الاسبرنج بيدى شكل جميل زى مانتوا شايفين وبعد كده هقفل الاسبرنج بصفار البيض وهكذا لحد الكميه ماتخلص معاكى هحط الاسبرنج فى الثلاجه لمده نص ساعه قبل القلى ونقلى فى زيت ساخن وغزير وبالهنا والشفا
