الجمبرى بالكريمه والجبنه

الجمبرى بالكريمه والجبنه
1 كيلو جمبرى وسط متقشر ومتنضف
1 بصله مفرومه
نصف فنجان هوت صوص
1 معلقه كبيره كمون
1 معلقه كبيره كزبره ناشفه
1 معلقه مسطرده
نصف فنجان عصير ليمون
1 معلقه كبيره ثوم مفروم
1 كوب كبير كريمه لبانى
جبنه شيدر مبشوره او رومى او بارميزان اى نوع جبنه مبشوره عندك
ملح وفلفل ابيض
الطريقه ولا اسهل من كده
هنجيب الجمبرى بعد تنضيفه كويس هنضيف عليه عصير الليمون والكمون والكزبره والمسطرده والهوت صوص ونسيبه لمده 30 دقيقه
وبعد كده هنجيب حله على النار ونضيف فيها شويه زيت بسيطه وبعدين نضيف البصل مع التقليب كويس اوى لحد ماياخد اللون الدهبى نضيف الثوم مع التقليب وبعدين نصفى الجمبرى كويس ونضيفه عليهم ونقلبه لمده 3 دقايق فقط وبعدين نتبله بالملح والفلفل الابيض ونرفعه من على النار ونجهز صينيه ونحط فيها الجمبرى ونضيف عليه الكريمه اللبانى والجبنه المبشوره وندخله الفرن لمده 7 دقايق لحد الجبنه ماتاخد لون ونقدمه ساخن بالهنا والشفا