البطاطس المحشيه

البطاطس المحشيه
المكونات
1 كيلو بطاطس وتكون حجم صغير
نصف كيلو لحمه مفرومه
1 بصله مفرومه
1 معلقه ثوم مفروم
2 معلقه صلصه معجون
1 كوب صغير عصير طماطم
5 ورق لوره
5 حبهان
1 معلقه زعتر بودره
1 حبه جوز الطيب مبشوره
ملح وفلفل اسود
1 معلقه كزبره ناشفه
1 ربطه كزبره خضرا مفرومه
2 كوب مايه او شوربه فراخ او لحم
الطريقه
هنقشر البطاطس ونقورها زى المحاشى بظبط وبعدين ننقعها فى مايه وشويه خل صغيرين وبعد كده هنصفيها كويس اوى من المايه ونقليها فى الزيت نصف تسويه وبعد كده هنرفعها من الزيت على ورق مطبخ عشان تصفى الزيت بتاعها بعد كده هنجهز الحشو بتاعنا فى حله على النار هنحط فيها شويه زيت بسيطه وبعدين اللحمه المفرومه ونقلبها كويس اوى لحد مالونها يتغير نبتدى نحط البصل والثوم مع التقليب كويس جدا بعد كده نضيف ورق اللوره والحبهان والكزبره الناشفه والزعتر ونقلب كويس اوى بع كده هنضيف الصلصه وعصير الطماطم ونسيبها لحد ماتستوى وبعدين نتبلها بجوز الطيب والملح والفلفل الاسود ونرفعها من على النار وبعد كده نضيف عليها الكزبره الخضرا المفرومه ولما البطاطس تبرد نبتدى نحشيها باللحمه المفرومه دى ونجيب صينيه ونرص فيها البطاطس المحشيه ونسقيها بالشوربه وممكن نضيف على الوجه قطع من الزبده وندخلها الفرن لمده 20 دقيقه لحد ماتكمل التسويه ونقدمها ساخنه وبالهنا والشفا

اين ردكم يا اهل الخير