عندك دقيق وبيض وزبده فى الثلاجه طب قومى بسرعه جهزى احلى واجمل واسهل تارت فاكهه
المكونات
عشان نعمل 2 تارت بالحجم الكبير زى الصوره كده بظبط
400 جرام دقيق
125 جرام سكر بودره
1 بيضه
250 جرام زبده
معلقه فانيليا
اى انواع فاكهه عندك كيوى فراوله خوخ اناناس توت مانجو
كريم باسترى وده قلت بيتعمل ازاى وممكن اجيبه جاهز من السوبر ماركت بورده واعمله
كوب الكريم باسترى بياخد كوب ونصف لبن حليب او ماء بارد ومن غير سكر لانه فيه السكر بتاعه
طريقه العمل
بضرب الزبده مع السكر البودره على ايدى لحد متبقى هشه وبعد كده بنزل بالبيضه عليهم مع التقليب المستمر ثم الفانيليا والدقيق لحد متعمل معايا عجينه متماسكه بعد كده بقسم العجينه على اد الصوانى اللى هعمل فيها التارت وبعدين بفرد العجينه فى الصينيه وبعمل لها اطراف فى جوانب الصينيه سمك حوالى نصف سم وبعدين بخرمها بالشوكه قبل مدخلها الفرن على درجه حراره 180 لمده ربع ساعه بعد متخرج من الفرن بسيبها تبرد وبعدين بحط الكريم باسترى على كل الصينيه وبعدين بقطع الفاكهه اسلايز حلقات وبرص فيها على التارت بشكل شيك وجميل وبالهنا والشفا
