ترينجل الفراخ بالجبنه

ترينجل الفراخ بالجبنه
المكونات
5 شرائح عيش توست
1 صدر فراخ بدون جلد او عظم مسلوق ومقطع قطع مكعبات صغيره
1 معلقه كبيره مسطرده
1 كبيره كاتشب
1 معلقه زعتر بودره
1 طماطم مقطعه مكعبات صغيره
1 فلفل رومى مقطع مكعبات
1 كوب جبنه مودزاريلا
2 معلقه جبنه رومى مبشوره او اى نوع جبنه موجود عندك
1 معلقه كبيره زبده
ملح وفلفل اسود حسب الرغبه
الطريقه
هنجيب شرائح التوست وبعدين ندهنها الزبده وبعد كده نحمرها فى التوستر او الفرن لحد ماتاخد لون دهبى بعد كده هنقلب الكاتشب مع المسطرده وندهن بيهم شرائح التوست وبعد كده هنجهز الفراخ المسلوقه بعد مانقطعها قطع صغيره هنضيف عليها الجبنه المودزاريلا والجبنه الرومى ومكعبات الطماطم والفلفل الرومى والملح والفلفل الزعتر ونقلبهم كويس جدا مع بعض وبعد كده هنضيف كميه مناسبه على كل قطعه من شرائح التوست وندخلها الفرن لمده 5 دقايق او لحد ماتاخد لون وبالهنا والشفا