اختصارا وعشان كمان مش تزهقى من وقفتك فى المطبخ اعملى بالنصايح دى
شويه نصايج تهم كل ست بيت بتحب مطبخها
كتير مننا بنحب اننا ندخل المطبخ عشان كدا لازم نخلى بالنا مش شوية حاجات هتسهل علينا وقفتنا فى المطبخ و من الحاجات دى اننا
اولا لازم نرتب المطبخ قبل مانشتغل عشان كركبة على كركبة هتخليكى تزهقى،
و تانى حاجة انك نحضرى حواليكى كل الحاجات اللى هاتحتاجيها فى الوصفة اللى هاتعمليها من ادوات طبخ او اصناف،
تالت حاجة انك تحافظى على نظافة المطبخ وانتى فيه يعنى اى حاجة تستعمليها لااااااااازم تغسليها فى ساعتها عشان لو ماعملتيش كدا هتخلصى تلاقى الحوض ماليااان حاجات عايزة تتغسل،
رابع حاجة تحطى جنب البوتجاز طبق صغنن تبقى تحطى فيه معلقة اللى بتقلبى بيها عشان مش كل شويه تحطيها فى حته و توسخلك المكان او تنسيها و تطلعى غيرها،
خامس حاجة بقى انك اى حاجة تستعمليها لازم ترجعيها مكانها فورا و لو كانت الحاجة دى برطمان مثلا اقفليه كوبس و رجعيه مكانه عشان ماتكركبيش الدنيا لنفسك
سادس حاجة انك اكيد هاتحتاجى تقشرى بطاطس او تقشرى بصل او تجهزى اى نوع من الخضار قبل ماتطبخيه عشان كدا اول ماتبداى خلى عندك صنيه كبيرة قشرى فيها و نضفى الخضار فيها و فى الاخر ارمى الحاجات فى الزبالة و اغسلى الصنيه و رجعيها مكانها و بكده مش هاتوسخى كل المطبخ وانتى بتحضرى الحاجة اللى هاتستعمليها
اخر حاجة انك تخصصى كام فوطة كدا فى مطبخك واحدة تمسكى بيها الحاجات السخنة و واحدة تمسحى بيها الرخامة و حوالين الحوض و احدة ليكى انتى نشفى بيها ايدك دايما
و احرصى على نضافتهم علطول
و ان شاء الله لو حافظتى على النصائح دى هتحبى تدخلى المطبخ لانك هتخلصى طبيخ و هتلاقى المطبخ بيبرق و كل حاجة فى مكانها