الفراخ الروستو

الفراخ الروستو
المكونات
التتبيله هتكون لفرختين متوسطه الحجم وزن كيلو وربع الى 2 كيلو
2 بصله كبيره مقطعه مكعبات
2 فلفل رومى اخضر مقطع مكعبات
1 حبه طماطم كبيره مقطعه مكعبات
2 حبه جوز الطيب مبشوره
5 حبه حبهان او معلقه حبهان بودره
1 معلقه بابريكا كبيره
1 معلقه كركم
2 فص ثوم كبير
1 معلقه كبيره زر ورد
1 معلقه كبيره زعتر
1 معلقه روزمارى
نصف كوب خل ابيض
1 معلقه كمون
1 معلقه قرنفل
1 معلقه كزبره ناشفه
2 عود كرفس
1 معلقه بردقوش
5 ورقه لوره
نصف كوب زيت زره
ملح وفلفل اسود
2 معلقه كبيره معجون طماطم
1 معلقه كبيره مسطرده
نصف فنجان كاتشب
الطريقه
بعد غسل الفرخه كويس اوى من بره ومن جوه بالخل والمايه وبعد كده هنركنها فى الثلاجه تصفى المايه بتاعتها اكويس بعد كده هحط كل مكونات التتبيله اللى قلت عليها دى فى الخلاط وبضربها كويس اوى لحد ماتنعم معايا جدا وهتضرب سهل معاكى فى الخلاط عشان الزيت والخل اللى فيها وبعدين هنتبل بيها الفراخ السليمه من بره ومن جوه بحيث ان التتبيله كمان تدخل بين اللحم وجلد الفرخه ونسيب الفراخ فى التتبيله دى من النهارده لبكره افضل يعنى لو هسويها بكره ان شاء الله اجهزها النهارده فى الثلاجه بايته فى التتبيله وبعدين نجيب صينيه الفرن ونعمل ارضيه فى الصينيه بصل وجزر وطماطم وممكن كمان كرفس متقطع اى تقطيعه وبعدين نحط الفراخ فى الصينيه وفى درجه حراره 170 لمده 45 دقيقه هتطلع معاكى تجنن ولونها مالوش حل لو الفرن بتاعك مش بيظبط درجه الحراره غطى الفراخ بورق سلفر لمده نص ساعه وشيلى السلفر ربع ساعه تانيه عشان تاخد لون وبالهنا والشفا