شوربه السى فود
المكونات
ربع كيلو جمبرى بالقشر
ربع كيلو كالمارى مقطع حلقات
ربع كيلو بلح البحر
1 كابوريا مقطعه انصاف بالعظم
ربع كيلو سمك فيليه مقطع مكعبات
1 معلقه كبيره صلصه بوريه
1 معلقه كبيره كزبره ناشفه
1 معلقه كبيره كمون
1 معلقه ثوم مفروم
1 بصله مفرومه
2 عود كرفس مفروم
1 ربطه شبت مفروم
ورق كزبره خضرا سليم
مايه
جزره مفرومه
ورق لوره حبهان وملح وفلفل اسود
الطريقه
هنجيب حله ونحط فيها المايه ونحطها على النار وناخد روؤس الجمبرى بعد تنضيفه ونحطه مع المايه دى ونحط ورق اللوره والحبهان والجزر المفروم فى نفس الحله ونسيب كل ده يغلى ع النار وبعد الغليان هنصفيها وهتبقى هى دى المايه بتاع الشوربه اللى هستخدمها بعد كده
فى حله تانيه على النار هحط شويه زيت بسيطه اوى وبعدين هحط البصل المفروم والكرفس المفروم وهقلبهم كويس اوى لحد مالونهم يبتدى يتغير هضيف الجمبرى والكالمارى مع التقليب المستمر بعد كده هضيف الكابوريا المتقطعه مع التقليب وبعدين نضيف الثوم المفروم وبعد كده هنحط معلقه الصلصه البوريه مع التقليب ثم نضيف الشوربه اللى عملناها من رؤوس الجمبرى بعد تصفيتها مع التقليب وهسيب كل ده يغلى مع بعضه لمده 5 دقايق هيكون الجمبرى والكالمارى والكابوريا استوت جوه الشوربه بعد كده هنضيف قطع السمك وبعد كده هتبل بالملح والفلفل والكزبره الناشفه وكمان الكمون وفى الاخر خالص هضيف الشبت المفروم وورق الكزبره عند التقديم وطبعا مش ننسى عصير الليمون وبالهنا والشفا
واكتبلنا كلمة حلوة