شوربه الخضار باللحم
المكونات
1 حبه بطاطس مقشره ومقطعه مكعبات
1 حبه جزر مقشره ومقطعه مكعبات
نصف كوب فاصوليا خضراء
نصف كوب بسله
1 حبه كوسه مقطعه مكعبات
نصف كوب زره سويت كورن
1 عود كرفس مفروم
1 بصله مفرومه
4 ورق لوره
2 حبه حبهان او نصف معلقه حبهان بودره
1 ربطه كزبره مفرومه
1 معلقه كزبره ناشفه
ملح وفلفل اسود
ربع كيلو لحمه بقرى او بتلو مقطعه مكعبات صغيره فى حجم زهره الطاوله
1 كوب عصير طماطم
1 معلقه صلصه معجون
الطريقه
فى حله على النار فيها شويه زيت بسيطه بنحط البصل والكرفس مع التقليب كويس جدا وبعد كده بنضيف اللحمه ونقلب كويس لحد اللحمه ماتاخد لون مع البصل نضيف ورق اللوره والحبهان بعد كده بنضيف الجزر والبطاطس مع التقليب كويس جدا وبعد كده بضيف عصير الطماطم ومعلقه الصلصه وبضيف كميه المايه وبتكون حوالى لتر ونص بسيب كل ده مع بعضه لمده حوالى ربع ساعه وبعد كده بنضيف الفاصوليا والبسله وبعدهم 5 دقايق نضيف الكوسه والسويت كورن واول ماللحمه تستوى نضيف الملح والفلفل والكزبره الناشفه وعند التقديم نضيف الكزبره الخضرا ونقدمها بالهنا والشفا
