سندوتشات شاورمه اللحم
المكونات
1 كيلو لحم مقطع ايمانسيه جوليانات رفيعه جدا واللحم ده بيكون من وش الفخده
التتبيله بقى وناخد بالنا منها كويس اوى
2 بصله مقطعه اى تقطيعه
نصف كوب من الخل
نصف كوب من الزيت
معلقه كمون ناعم
1 علبه زبادى
نصف كوب طحينه خام
1 معلقه كبيره زعتر
1 معلقه صغيره قرفه
10 حبه قرنفل
10 حبه حبهان او معلقه حبهان بودره
1 معلقه صغيره جنزبيل
ملح وفلفل اسود
1 معلقه كبيره زر ورد
1 معلقه كبيره كزبره ناشفه
1 حبه جوز الطيب
الطريقه
فى الخلاط هحط كل مكونات التتبيله دى مع بعضها وهضربهم كويس اوى لحد ما تتجانس المكونات مع بعضها بعد كده هضيفها على شرائح اللحمه وهسيب اللحمه فى التتبيله لمده ساعتين على الاقل فى الثلاجه وبعد كده
هقطع طماطم مكعبات وربطه بقدونس مفرومه وفى طاسه كبيره او حله كبيره هتكون سخنه جدا وفيها شويه زيت صغيرين اوى هحط الشاورمه وهقلب كويس لحد متستوى معايا وبعد كده هضيف الطماطم والبقدونس المفروم واجهز العيش لاحلى واجمل سندوتشات وطريقه عيش الشاورمه انا نزلته قبل كده موجود على البيدج وبالهنا والشفا
