الفراخ المحمره الكرسبى

الفراخ المحمره الكرسبى
المكونات
التتبيله هتكون لفرختين متوسطه الحجم وزن كيلو وربع الى 2 كيلو
2 بصله كبيره مقطعه مكعبات
2 فلفل رومى اخضر مقطع مكعبات
1 حبه طماطم كبيره مقطعه مكعبات
2 حبه جوز الطيب مبشوره
5 حبه حبهان او معلقه حبهان بودره
1 معلقه بابريكا كبيره
1 معلقه كركم
2 فص ثوم كبير
1 معلقه كبيره زر ورد
1 معلقه كبيره زعتر
1 معلقه روزمارى
نصف كوب خل ابيض
1 معلقه كمون
1 معلقه قرنفل
1 معلقه كزبره ناشفه
2 عود كرفس
1 معلقه بردقوش
5 ورقه لوره
نصف كوب زيت زره
ملح وفلفل اسود
2 معلقه كبيره معجون طماطم
1 معلقه كبيره مسطرده
نصف فنجان كاتشب
الطريقه
بعد غسل الفرخه كويس اوى بقطعها على نصين بالعظم بتاعها وهنغسلها كويس اوى بالمايه والخل وبعد كده هنركنها فى الثلاجه تصفى المايه بتاعتها اكويس بعد كده هحط كل مكونات التتبيله اللى قلت عليها دى فى الخلاط وبضربها كويس اوى لحد ماتنعم معايا جدا وهتضرب سهل معاكى فى الخلاط عشان الزيت والخل اللى فيها وبعدين هضيفها على الفراخ وهسيب الفراخ فيها حوالى 4 ساعات قبل مدخلها الفرن وياريت اكتر كمان كل ما التتبيله تقعد فيها كل ما الفراخ طعمها وريحتها هتكون احلى واجمل وهندخلها الفرن على درجه حراره 170 لمده 45 دقيقه فى صينيه الفرن بعد كده هندخل على مرحله تانيه سهله جدا ودى اللى هتخلى الفراخ كرسبى اوى معانا وطعمها هيفرق هنجيب 4 ملاعق من الزبده من نصف كوب زيت ذره فى طاسه كبيره وبعدين ناخد الفراخ بعد ماتستوى ونحمرها فى الزبده مع الزيت هتطلع معاكى كرسبى وكل الاسره هتحبها ونقدمها بالهنا