الشتاء دايما له عاداته فى الاكل ومعظمنا بيعشق المشويات فى الشتاء خصوصا لو عندك شوايه فحم او حتى شوايه كهرباء هتعملى احلى واجمل ريش مشويه بتتبيله خاصه وحصريه من الشيف ايمن العطار
وعلى فكره نقدر كمان نستخدم التتبيله دى فى الاستيك المشوى كمان
الريش المتبله المشويه
المكونات
1 كيلو ريش بتلو
التتبيله ودى بقى مهمه جدا يعنى كوبى وبست على جهازك وكمان شيرى لكل اصحابك اللى بتحب المشويات
2 بصله مقشره ومقطعه اى تقطيعه
نصف كوب من الخل
نصف كوب زيت زره
عصير 2 ليمونه كبيره
1 معلقه كبيره مسطرده
1 معلقه صغيره زعتر
1 معلقه كبيره روزمارى فريش او مجفف وده مهم اوى
1 معلقه كبيره زر ورد
5 حبه ورق لوره
5 حبه حبهان
5 عود قرنفل
1 معلقه معجون صلصه
1 معلقه كبيره بابريكا
نصف فنجان كاتشب
2 معلقه كبيره هوت صوص
ملح وفلفل اسود زى مابتحبى
1 حبه طماطم صغيره مقطعه اى تقطيعه
الطريقه
هنضيف كل مكونات التتبيله دى فى الخلاط الكهربائى وهنضربهم كويس جد لحد كل المكونات دى ما تتجانس مع بعضها وبعدين هنضيف كل المكونات دى على كيلو اللحم ونحطهم فى الثلاجه لمده لا تقل عن 10 ساعات يعنى انا لو هشوى على الغداء بكره الساعه 3 العصر هتبلهم من دلوقتى ده هيخلى اللحمه تشرب التتبيله كلها وبعدين نجهز الفحم او حتى شوايه الكهرباء ونشوى الريش ولو مش عندك شوايه ممكن تستخدمى الفرن او حتى طاسه فيها شويه زيت بسيطه وتكملى سواها فى الفرن وبالهنا والشفا
