تتبيله للفراخ المشويه
التتبيله هتكون لفرختين متوسطه الحجم وزن كيلو وربع الى 2 كيلو
2 بصله كبيره مقطعه مكعبات
2 فلفل رومى اخضر مقطع مكعبات
1 حبه طماطم كبيره مقطعه مكعبات
2 حبه جوز الطيب مبشوره
5 حبه حبهان او معلقه حبهان بودره
1 معلقه بابريكا كبيره
1 معلقه كركم
2 فص ثوم كبير
1 معلقه كبيره زر ورد
1 معلقه كبيره زعتر
1 معلقه روزمارى
نصف كوب خل ابيض
1 معلقه كمون
1 معلقه قرنفل
1 معلقه كزبره ناشفه
2 عود كرفس
1 معلقه بردقوش
5 ورقه لوره
نصف كوب زيت زره
ملح وفلفل اسود
2 معلقه كبيره معجون طماطم
1 معلقه كبيره مسطرده
نصف فنجان كاتشب
الطريقه
بعد غسل الفرخه كويس اوى بقطعها على 8 قطع بالعظم وتشرحيها بسكينه حاميه من الاوراك والصدور عشان تشرب التتبيله دى كويس بعد كده هحط كل المكونات اللى قلت عليها دى فى الخلاط وبضربها كويس اوى لحد ماتنعم معايا جدا وهتضرب سهل معاكى فى الخلاط عشان الزيت والخل اللى فيها وبعدين هضيفها على الفراخ وهسيب الفراخ فيها حوالى 4 ساعات قبل الشوى وياريت اكتر كمان كل ما التتبيله تقعد فيها كل ما الفراخ طعمها وريحتها هتكون احلى واجمل بكتير وبعد كده هشوى الفراخ على الفحم او جريله الكهربا او فى الفرن زى متحبى وبالهنا والشفا
