البيف فيليه مع صوص المشروم
المكونات
نصف كيلو لحم بقرى فيليه مقطع استيك
1 بصله مفرومه
ربع كيلو مشروم مقطع ترنشات او مشروم علب
1 كوب كريمه لبانى
ملح وفلفل اسود
1 معلقه كبيره دقيق
نصف كوب ماء
لو عندك بودره ديمجلاس يبقى هنحط معلقه لو مش عندك يبقى 1 مكعب ماجى
معلقه كبيره زيت زره
الطريقه
هنتبل الاستيك بالملح والفلفل وبعدين نسخن الطاسه كويس اوى
وبعدين نحط الاستيك فيها لحد مايتشوح وبعد كده هقلبه على الناحيه التانيه لحد ماياخد لون هرفعه من الطاسه وفى نفس الطاسه هزود شويه زيت وبعدين هحط البصل المفروم مع التقليب كويس جدا وهنا انا استخدمت نفس الطاسه اللى شوحت فيها اللحمه لانى محتاج طعم اللحمه فى الصوص نفسه بعد كده مع تقليب البصل او مالونه يميل للاصفرار هبتدى انى احط المشروم مع التقليب كويس جد بعد كده هضيف معلقه الدقيق والكريمه فى نفس الوقت مع التقليب بمضرب سلك وبعدين هضيف المايه والماجى او الديمجلاس واسيب الصوص يغلى على النار مع التقليب بالمضرب السلك كويس بعد كده هضيف شرائح الاستيك المتشوحه عشان تكمل سواها مع الصوص وتشرب من الصوص عشان يبقى طعمها احلى بكتير وبقدمها مع خضار سوتيه او بطاطس بوريه او ارز ابيض زى مبتحبى وبالهنا والشفا
