السمك المقلى

السمك المقلى
المكونات
1 كيلو سمك فيليه اى انواع بتحبيها قشر بياض او موسى او وقار بس المهم يكون فيليه
التتبيله ودى مهمه جدا وناخد بالنا منها كويس
2 فلفل رومى اخضر
2 معلقه ثوم كبيره
1 ربطه شبت
1 ربطه كزبره خضرا
1 معلقه كمون كبيره
1 معلقه كزبره ناشفه كبيره
2 معلقه مسطرده كبيره
نصف كوب عصير ليمون
1 معلقه كبيره خل ابيض
2 معلقه كبيره هوت صوص
1 معلقه صغيره كركم
5 حبه حبهان
ملح وفلفل ابيض
دقيق وزيت للقلى
الطريقه
هضرب الفلفل الرومى مع كل مكونات التتبيله دى فى الخلاط حتى الملح والفلفل والشبت والكزبره جميع مكونات التتبيله فى الخلاط لحد ما تتجانس كلها مع بعضها وتكون ناعمه بعد كده هضيفها على فيليهات السمك واسيب كل ده مع بعضه فى الثلاجه لمده نصف ساعه فقط وبعدين يكون الزيت ساخن وغزير هجيب السمك وهحطه فى الدقيق واضغط عليه فى الدقيق وبعدين نبتدى نقلى اجمل واحلى سمك ونقدمه ساخن ممكن نقدم جنبه صوص تارتار عباره عن 3 معلقه مايونيز مع معلقه بقدونس مفرومه ونصف ليمونه مع خياره مخلله مفرومه وبالهنا والشفا