اجمل واحلى واسهل فراخ بانيه هتعمليها فى البيت
المكونات
نصف كيلو صدور فراخ بدون جلد او عظم فيليه
التتبيله وناخد بالنا منها كويس لان دى اللى هتكون السبب فى ان البانيه يكون طعمه هايل
2 بصله مقشره ومقطعه اى تقطيعه
نصف كوب خل ابيض
2 معلقه مسطرده
1 معلقه كبيره زعتر بودره او فريش
نصف معلقه صغيره بردقوش
ملح وفلفل اسود
5 ورقه لوره
5 حبه حبهان
ربع كوب كاتشب
هنحتاج كمان دقيق بيض بقسماط ناعم عشان البانيه
وكمان زيت للقلى
الطريقه
هنجيب صدور الفراخ ونشرحها كل صدر على شريحتين او ثلاثه وبعدين هنجيب كل مكونات التتبيله دى ونضربها فى الخلاط مع بعضها لحد ماتتجانس معاكى وتنعم كويس جدا بعد كده هنصفيها بمصفاه رفيعه جدا وبعد كده هنحط شرائح الفراخ فى التتبيله دى لمده لا تقل عن ساعتين وكل ما قعدت اكتر فى التتبيله كل ماكان طعمها هيكون اجمل وبعدين نخرجها من الثلاجه ونبتدى ننفذ قاعده البانيه بالترتيب دقيق ثم بيض متبل بالملح والفلفل ثم البقسماط وهكذا لحد ما الكميه ماتنتهى معاكى وبعدين ندخل الفراخ فى الثلاجه لمده نصف ساعه قبل القلى ونقليها فى زيت ساخن ونقدمها بالهنا والشفا
